Julqunboy alloma yozuvchi, mohir donishmand, iste’dodli san’atkor, qalbi pok sohibqalam edi. U O’rta osiyoda birinchi bo’lib ajoyib romanlar yozdi, keng ommaga tanildi. U mening yozgan romanlarimni o’qigan va xolisona qimmatli maslahatlar ko’rsatgan edi.                                                                                                                                            

                                               O’zbek va tojik yozuvchisi Sadriddin Ayniyiy

 

 Dunyoda beshta, ya’ni: fransuz, ingliz, rus, nemis va hind romanchiligi maktabi bor edi. Endi oltinchisi, ya’ni o’zbek romanchiligi maktabi paydo bo’ldi, bu maktabni Abdulla Qodiriy yaratib berdi.

                                           Adabiyotshunos olim   Yevgeniy Eduardovich Bertelsls

 

  Abdulla Qodiriy o’zining yirik romanlarida qalamga olgan davr turmushini nihoyatda jonli qilib ko’rsatadi, o’sha davrning jonli odamlarini gavdalantiradi. Yozuvchi nihoyatda ravon, shirin va ma’noli qilib tasvirlaydi. Uning asarlarini o’qiganda butunlay g’arq bo’lib erib ketasan.

                                              Tatar yozuvchisi Zarif Bashariy

 

  Abdulla Qodiriyning “O’tgan kunlar” romani menda bir umrga unutilmas taassurot qoldirgan va ilhom bag’ishlagan. Shundan keyin menda turkman xalqining o’tmishi haqida roman yozish ishtiyoqi tug’ildi. Katta niyat bilan “Qismat” romanim ustida ish boshladim.

                                           Turkman yozuvchisi Xidir Deryayev

 

   Abdulla Qodiriy… bugungi kunda o’z mamlakatida ham, chet ellarda ham juda kuchli qiziqish uyg’otgan O’rta Osiyo adabiyotining o’sha yillardagi to’lqinli taraqqiyoti boshida turgan edi.

                                             Nemis adabiyotshunosi Niota Tun

 

   Turkistonda o’zbek turkiylarining keyingi asrda yetishgan eng yorqin millatparvar adabiyot namoyondalaridan biri Abdulla Qodiriy (Julqunboy)dir. U ayniqsa, romanchilikda, muhim ijtimoiy va tarixiy mavzularda, jiddiy tayyorgarlikdan so’ng o’zining  go’zal uslubiga ega bo’ladi va bu sohada o’zidan keyingi qalam tebratadiganlarga o’rnak bo’ladi, buning oqibatida yangi o’zbek adabiyoti rivojiga ham o’ziga xos bir ta’sir ko’rsatdi.

                                         Turkiyalik olim-professor Ibrohim Yorqin

 

 “Mushtum” dagi satiric asarlarning Afg’onistonning Mozori Sharifdan o’z uyimga olib borganman. Abdulla Qodiriy asarlaridan uyimizga Maymanaa, jivirg’on, Qunduz, Mozori Sharifdan kelgan afg’on, o’zbek ziyolilari ham o’qib bahramand bo’lganlar.

                                    Afg’onistonlik jurnalist Muhammad Amin Balxizoda

 

 

 

 

  Meningf o’zim ham Tolstoydan, Gorkiydan, sholoxovdan o’rganmasam, tatar yozuvchisi ibrohimovning “Bizning kunlar”ini, “Qozoq qizi” ni, o’zbek yozuvchisi Abdulla Qodiriyning “O’tgan kunlari”ni, “Mehrobdan chayon” ini o’qib shulardan ibrat olmasam “Dadil qadam”ni boshlay olmagan bo’lardim.

                                                            Turkman yozuvchisi Berdi Kerboboyev

 

                                        

                                                                                             Yuqoriga qaytish